Kronolozia Importantes Konaba Timor Leste Hahu Husi Tinan 1600 To’o 2010

Written by */Pelagio Doutel/CJITL

Saturday, 20 March 2010

CJITL Riset Data, Iha Kronolozia sira tuir mai ne'e, Centru Jornalista Investigativu Timor Leste - CJITL tau hamutuk dadus sira husi fontes lubuk konaba eventus importantes konaba Timor Leste nia historia hahu husi tinan 1600 to'o tinan 2010. Tuir mai ne'e ita le'e ho hakmatek reportajen no tradusaun sira husi Reporter CJITL, Pelagio Doutel husi Hawai'i, Estadus Unidos Amerika. Tinan 1600 - Invazaun Portugues iha Timor, hari’i postu merkadoria no uza Ilha Timor nu'udar hun ba aikameli. 1749 - Timor fahe ba rua hafoin funu entre Portugues no Holandes. Portuguese ocupa parte leste. 1942 - Invazaun Japones, funu hasoru tropas Australianos. Oho Timor oan besik 60,000 resin. Japones okupa to tinan 1945. 1974 – Revolusaun iha Portugal fo dalan ba libertasaun rai sira nebe Portugues okupa, fo fatin atu parte sira prepara an ba futuru ne’ebe foun. 1975 Augustu – Administrasaun Portugues retira husi ilha Atauro. 1975 Outobru – Jornalista Australiano nain lima hetan oho iha fronteira Timor Balibo, forsa Indonezio mak oho. 1975 Novembro – Liu tiha husi funu civil ki’ik oan ida, Fretilin (Frente Revolusionario de Timor Leste Independencia) deklara Timor Leste nia ukun rasik an. 1975 Dezembro – Invazaun Indonezia, Ho ideolozia funu hasoru komunismo nudar motivo. Indonesia deklara Timor sai nudar provincia 27, UN la rekonhese. Resistensia forte hasoru okupasaun Indonezia hafoin akontesemento, Timor oan ne’ebe hetan oho kuaze ema nain 200,000. 1981 - Xanana Gusmao sai nudar Lider Falintil (Forsa Armada Libertasaun Nasional de Timor Leste), Fretilin nia forsa armada. 1991 – Massacre Santa Cruz iha nebe tropas indonezia oho Timor oan barak. 1992 – Sofremento ba rezistensia, Tamba Gusmao hetan kaer iha area besik Dili. 1993 – Grupo Timor oan sira tama iha embaxada rai liur sira iha Indonezia atu hetan protesaun politika. 1995 – Aniversarion tinan 20 invazaun Indonezia iha Timor marka ho protesta husi Timor oan nain 112 no simpatizantes sira nebe tama to’o embaxada Russia no Holandes iha Jakarta. 1996 – Bispo Diosese Dili, Carlos Belo no lider Rezistencia Jose ramos Horta hetan Premio Nobel ba Paz, loke mundu internasional nia matan ba Timor Leste nia funu atu hetan ukun rasik an. 1998 – Prezidente Indonesia Suharto rezigna aan. Troka fali ho Bacharuddin Jusuf Habibie 1999 Janeiro – Indonesia dehan katak sei konsidera Timor Leste ukun rasik an se povo rejeita autonomia. 1999 Fevereiro-Abril - Gusmao muda husi prisaun iha Jakarta ba detensaun iha uma. Responde ba violensia nebe aumenta ba beibeik nebe ativistas anti-independencia sira halo, Gusmao fo ordem ba gerileiros atu remata funu ba ukun rasik aan. 1999 Maio - Indonesia, Portugal asina akordu atu Timor oan sira bele hili sira nia futuru. Akordu nee hetan aprovasaun husi ONU 1999 30 Agusto - Besik 99% husi 450,000 votantes hili atu ONU organiza referendum 1999 Septembro – Rezultado referendum hatudu votantes pursentu 78 hili independencia. Violencia mosu iha fatin fatin, milisia anti independencia nebe mak hetan suporta husi Indonezia halo kampanha terror resulta ema besik 1,000 resin mak mate. Lubuk ida husi populasaun halai ba Timor Loromunu. 1999 Outubro - Gusmao hetan livre. UNTAET harii iha timor. 1999 Desembro – Doadores international sira iha konferensia Tokyo ida konkorda atu fo tulun milhoes US $520 million atu tulun hari fali Timor Leste. 2000 Setembro – Officiais ONU evakua husi Timor loromonu hafoin milisia sira oho membro agensia refugiado nian nain tolu. Tribunal Indonezia nian ida hatama ema nain ne’en iha kadeia ba fulan 20 relasiona ho kazu oho membru ONU, hetan protesta husi mundu internasional nian basa fo kastigu kaman liu. 2001 Julho - Timor Leste, Australia asina bilateral konaba futuru rendemento mina no gas iha Tasi Timor iha nebe Timor Leste hetan 90% husi rendemento sira. 2001 Augusto – Eleisaum membro assembleia constituante nain 88; Partido Fretilin manan no hetan kadeira 55 iha parlamento. 2002 - Janeiro – Comisaun lialos no rekonsiliasaun harii atu kura kanek sira husi pasado nian. 2002 Janeiro - Indonesia inagura tribunal direitos humanos atu responsabiliza militar Indonezia nia hahalok at iha Timor Leste hafoin votasaun ba independensia iha 1999. 2002 Fevereiro – Parlamento Timor Leste aprova dezenho konstituisaun hodi kestiona se governo tenke ho parlamento tenke hamutuk ida deit. 2002 Fevereiro – Timor Leste no Indonesia asina akordu rua nebe ho objective atu hakma’an relasaun. 2002 Abril - Xanana Gusmao manan eleisaun presidential. 2002 20 Maio - Independencia: Bainaka importes sire inclue Ex-presidente Amerika Bill Clinton no Presidente Indonezia Megawati Sukarno Putri hola parte selebrasaun independensia iha Dili. 2002 Setembro – Timor Leste sai nudar membru ONU ba 191. 2004 Janeiro - Portugal anuncio fo tulun $63 miloens (50miloens euros). 2004 Fevereiro – Produsaun gas iha tasi laran hahu; Projetu Bayu Undan kalkula katak sei fo rendemento miliaun $100 kada tinan ida. 2004 Novembro – Fim husi prosesu julgamento iha tribunal Indonezia ba ema nain 18 kona ba halo abuzo kontra direitos humanos durante 1999. Nain ida deit nebe hetan sala- nia mak Lider milisia Eurico Guterres- mak sei hein atu rona iha julgamento tuir mai. 2005 Abril –Timor Leste, Indonezia asina akordu linha fronteira durante Presidente Yudhoyouno nia visita ba dala uluk mai Dili hafoin simu poder. 2005 Junho – Forsa ba Paz Australiano nebe mak hela sai husi Timor. 2006 Janeiro – Timor Leste no Australia asina akordu ida atu fahe bilhaos de dolar husi rendemento nebe hein atu manan husi olho no gas iha deposito Tasi Timor. Iha akordu nee, diskusaun kona ba linha fronteira tasi ninian muda fila fali ba oin mai. 2006 Maio – Forsa rai liur too iha Dili atu estabiliza ordem wanhira konflitu ne’ebe involve Eis militario nebe hasai husi instituisaun, hamosu violensia nebe bo’ot nebe involve foti no sunu. Ema besik nain 25 mak mate no ema nain 150,000 seluk sai refugiado iha akampamentus sira. 2006 Junho-Julho – Primeiro Ministro Alkatiri rezigna an relasiona ho nia kapasidade atu resolve violencia nebe akontese. Jose Ramos Horta mak simu fali pozisaun nee. 2006 Augusto – UNMIT harii iha Timor. 2007 Janeiro – Eis ministro interior, Rogerio Lobato tuir juglamento kona ba fahe kilat ba civil durante konflito 2006. 2007 Maio - Primeiro Ministro Jose Ramos-Horta manan eleisaun prezidensial. 2007 Junho - Fretilin, nebe lidera husi Eis Primeiro Ministro Mari Alkatiri hetan votus bo’ot liu iha eleisaun parlamentar maibe laos maioria atu bele lidera mesak. 2007 Augusto - Xanana Gusmao sai nudar Primeiro Ministro, hamosu protesta nebe nakonu ho violensia. 2007 Novembro – Tribunal Australia nian ida lidera kazu oho Jornalista Australiano nain lima nebe halo husi tropas Indonezia iha 1975 atu hapara publikasaun konaba invasaun iha Timor Leste. 2008 Fevereiro - Prezidenti Jose Ramos-Horta hetan tiru iha kabun iha nia helafatin Dili husi membro militar rebeldes. Alfredo Reinado hetan oho iha atake nee. 2008 Abril - Prezidente Ramos-Horta fila ba Timor hafoin halao tratamento mediko ba fulan rua ba kabun ne’ebe kanek husi tiru iha Australia. Gastao Salsinha, lider foun husi grupu rebeldes nia nebe halo atentadu atu oho prezidente entrega an hamutuk ho nia membro nain 12. 2008 Maio - Prezidente Ramos-Horta husu ba Nasoens Unidas atu kontinua sira nia misaun iha nasaun nee ba tinan lima tan, ho razaun preokupasaun ba seguranca. 2008 Julho – Reportazem final husi komisaun lialos nebe kompostu husi Indonezio no Timor oan ne’ebe fo sala ba Indonezia halo violasaun direitos humanous iha tinan 1999 no ezize atu husu deskulpa ba ida nee. Presidente Yudhoyono fo sai ninia sentementu triste teb-tebes maibe remata ho deskulpa badak ida. 2009 Maio – Misau ba paz UN nian entrega fali poder iha distritus ba polisia loca ba dala uluk hafoin krize 2006. 2009 Julho – Ema nain 27 hetan julgamento kona ba kazu atentadu atake atu oho Prezidente Ramos Horta nebe failha; Defensor sira inklui Angelita Pires ho nasionalidade Australiana, lider rebeldes Alfredo Reinado nia namorada, nebe mate iha atentado nee. 2009 Agusto - Prezidente Ramos-Horta hapara tiha reportagem Amnestia Internasional nian nebe akusa governo failha atu halo justisa ba nia sidadaun nebe sai vitima ba violensia 1999. Nia rekonhese katak falhansu nee relasiona ho pobreza. 2009 Setembro – Indonezia hateten katak relasaun ho Australia bele sai a’at ho inkerito krime konaba jornalista Australia nain lima nebe hetan oho iha tinan 1975 durante tempo invazaun Indonesia nian. 2010 Fevereiro – Komisiario Komisaun Anti Korupsaun ba dala uluk Timor Leste ninian halo promesa atu investiga akusasaun hahalok korupsaun hasoru officiais. 2010 Marsu – Tribunal ida fo kastigu ba rebeldes kona ba kasu atentado oho Prezidente no Primeiro Ministro iha tinan 2008, kastigu kadeia ba tinan 16. Angelita Pires, Australiana ida entre nain lima seluk hetan liberdade husi sentensa. (*/BBC/Pelagio/CJITL) FONTE: http://cjitl.org/index.php?option=com_content&task=view&id=1153&Itemid=1